A documentación de venda da Illa ao Rei Alfonso XIII ofrece información moi interesante sobre os habitantes e os modos de vida en Cortegada. No plano do parcelario realizado no seu momento podemos observar cousas ben curiosas, como os cultivos agrarios, como estaban estos distribuidos e os espazos dedicados a habitación, as casas que conformaron a aldea da Illa.
Daquela información podemos tirar un primeiro plano que nos indique como era en conxunto a aldea de Cortegada.
 |
| Plano da aldea de Cortegada, realizado por Alba González Abuín a partir de documentación da venda da Illa. |
Neste conxunto, o número de familias que habitaban alí era menor que o das vivendas. Á altura do ano 1907, o proceso de concentración da propiedade, froito da endogamia dos propios habitantes, estaba moi avanzado. A relación de nomes dos propietarios é a seguinte:
Juan Melón Figueirido, Ricardo Rodríguez Longo, José Lijó Figueiras e Peregrina Sardiñeira Conde, Joefa Sardiñeira Conde, José Insúa Rodríguez e Leonor Miguéns Maneiro, Manuela Conde Conde e José Cerqueiras Búa, Roque Sardiñeira Conde, Miguel Conde Conde, Juan Suárez Rodríguez, Tomás Dieste Ozores, Andrés Diéguez e Ramona Becerra Conde, Encarnación Rodríguez, Juan Manuel Conde García, José María Ramos Conde.
Como se pode apreciar, os apelidos Conde e Sadiñeira dominaban na aldea, facendo concentración neles da maioría das propiedades.
Nalgún dos casos, comparando o plano con fotografías antigas, podemos identificar algunha das casas co seu propietario.
Coa información facilitada polo proceso de venda poderemos identificar cada casa da aldea de Cortegada co seu propietario. É cuestión de tempo.
Interesante!!
ResponderEliminarGracias!
Eliminar