Sellos do Concello de Carril

O Concello carrilexo tivo diferentes sellos que se aplicaban aos documentos administrativos. No ano 1876 o Alcalde, Guillermo Rueda, fai informe de todos os que se utilizaron ata ese momento. O motivo do barco, que fai alusión a actividade portuaria da localidade, vólvese a repetir a partir dos anos oitenta do século XIX.

Sello municipal de Carril.
 1837-1860

Sello municipal de Carril
1860-1871

Sello municipal de Carril
1871-1876

Sello municipal de Carril
I República (1873)

Doazón de Cortegada ao Mosteiro de San Martiño Pinario. Ano 911

No ano 911 o rei asturiano Ordoño II fai doazón de numerosos territorios ao Mosteiro de San Martiño Pinario de Santiago de Compostela. A maior parte deles están na Ría de Arousa. Inclúe San Vicente de O Grove e a Illa de Arousa. Tamén está boa parte do territorio do actual municipio de Vilagarcía: Santa Baia de Arealonga, San Cristobo de Alobre e a Illa de Cortegada.

Na parte que corresponde a Cortegada o documento di: "insula de Cortegada integra e cautata cum sua ecclesia et suis directures", ou o que é o mesmo di, que fai doazón, da illa de Cortegada enteira coa sua igrexa e os seus directores. 

A propiedade da Illa de Cortegada por parte de San Martiño Pinario perdurou durante case mil anos. Coa desamortización do século XIX os mosteiros perden o seu poder territorial e Cortegada cambia de máns.